Tveir menn hafa haft áhrif á mig varðandi arkitektúr og skipulag, það eru þeir Guðni Pálsson arkitekt og Pétur Ármannsson byggingalistfræðingur, við heyrum í báðum í þættinum, sem fjallar um Guðna Pálsson arkitekt. Farið yfir feril Guðna, rætt um ýmsar byggingar sem hann hefur hannað. Rætt um skipulag Kvosarinnar frá 1986, Hvítu blokkirnar við Skúlagötu, 3 hús í Borgartúni, nýtt hverfi í Hamranesi í Hafnarfirði sem er að rísa, auk þess um íbúðaklasa eins og Guðni vill kalla nýjung í byggingu fjölbýlishúsa, sem enn hefur ekki risið. Rætt við Pétur Ármannsson byggingalistfræðing um Guðna og og störf Péturs á stofunni hans. Fyrir tilstilli Húsafrðunarnefndar var einbýlishús Guðna við Litlu Bæjarvör 4 á Álftanesi friðað í fyrra sem gott dæmi um arkitektúr níunda áratugarins.

Flakk - Fjallað um Guðna Pálsson arkitekt

Verðmætasta bókasafn landsins hefur átt heimili víða í borginni - nú hyllir undir nýtt heimili, því Hús Íslenskunnar er risið við Suðurgötu og verður opnað í vor ef allt gengur eftir. Við fengum að kíkja í heimsókn með arkitektinum Ögmundi Skarphéðinssyni hjá Hornsteinum. Nýlokið er samkeppni um endurbyggingu Borgarbókasafnsins í Grófinni, við heimsækjum safnið og ræðum við Hildi Gunnlaugsdóttur arkitekt hjá JVST og Huldu Aðalsteinsdóttur innanhúsarkitekt. Athyglisvert að heimsækja Hús Íslenskunnar - byggingin er sporyskjulaga og því engin horn víða í  húsinu. Vel er vandað til verka og skemmtilegir inni og útigarðar á hæðunum. Alls staðar gluggar bæði inni og úti. Hægt er að skoða verðlaunatillögu endurbyggingar Borgarbókasafnsins í Grófinni, og þar eru einnig hinar fjórar til sýnis til loka desember. Farið er yfir vinningstillögnuna með tveimur úr teyminu.

15122022 - Flakk um tvær bókabyggingar

Í þætti dagsins verður fjallað um tvær byggingar sem verið er að gera upp og breyta í íbúðir, um er að ræða Skipholt 1, þar sem Myndlistar- og handíðaskóli Íslands var lengi til húsa, en er fluttur annað fyrir allmörgum árum, upphaflega hugmyndin var að breyta því í hótel, af því varð ekki og nú er verið að innrétta íbúðir í húsið. Við byrjum hins vegar vestur í bæ, eða á Dunhaga 18 ? 20, en þar var byggð íbúðarblokk með verslunarhúsnæði á neðstu hæð og íbúðir á þeim efri. Húsið er enn þannig, en mikið breytt innandyra. Í skýrslu Borgarsögusafns frá 2019 má lesa heilmargt um búsetu á Grímsstaðarholti, sem kennt er við fyrsta bæinn Grímstaði um miðja 19 öld. Rætt er við Frey Frostason arkitekt hjá THG um Dunhagann og Aðalstein Snorrason arkitekt hjá Arkís um Skipholt 1.

08122022 ? Flakk um endurnýtingu eldri bygginga

Ég var að reyna að telja í huganum hversu mörg ný hótel væru í Reykjavík og þá meina ég innan Elliðaáa, ég ruglaðist fljótlega, þau eru svo mörg. Nýlega var nýtt hótel opnað og svo sem ekki alveg tilbúið við horn Lækjargötu og Vonarstrætis. Hótelið heitir Hótel Reykjavík - Saga. Þarna er um að ræða nýbyggingar auk þess sem þrjú eldri hús eru gerð upp, og verða falleg á ný, tvö þeirra hafa fengið að drabbast niður. Björn Skaftason arkitekt hjá Aterlier hannaði hótelið, og auk þess er hann að hanna viðbyggingu við Grand hótel í Sigtúni auk íbúða á gamla Blómavalsreitnum, við heilsum uppá Björn í þættinum. Það eru ekki margar hótelkeðjur hér á landi ? en umrædd hótel eru bæði í eigu Íslandshótela og er þetta nýja í Lækjargötu átjánda hótelið í þeirra eigu. Þegar inn er komið, tekur á móti stór skjár, sem sýnir kampavínsglas sem fyllist  hægt og rólega og breytist svo í myndir af gosinu á Suðurnesjum, einnig er hægt að vera með beinar útsendingar á skjánum. það er róleg stemming í lobbýinu, sem er ekki stórt, en tekur vel á móti manni og boðið uppá kaffi og konfekt á borði til hliðar. Við mælum okkur mót við Ólaf Torfason framkvæmdastjóra og Ólaf Sæmundsson byggingastjóra og ætlum að skoða okkur um

01122022 ? Flakk um Hótel Reykjavík og Íslandshótel

Ísland er bílaland, flestir ferðast einir í sínum bíl og reka þau erindi sem hver og einn þarf sinna. Stundum er eins og enginn sé í vinnunni, því umferðin er þung alla daga. Við ætlum að huga að samgöngum í þætti dagsins. Það eru ýmsir möguleikar, t.d. að ganga, hjóla og taka strætó og nýlega bættust svokölluð hopphjól eða skútur í hópinn. Bílar eru semsagt ekki til umræðu í dag. Við heilsum uppá Sindra Frey Ásgeirsson formann samtaka um bíllausan lífsstíl, heimsækjum vegagerðina og ræðum við Bryndísi Friðriksdóttur svæðisstjóra höfuðborgarsvæðsins hjá Vegagerðinni og ábyrgðarmaður Borgarlínu og Arndísi Ólfafsdóttur Arnalds forstöðumann verkefnastofu Borgarlínu, báðar verkfræðingar auðvitað, en við byrjum uppá Höfða og hittum framkvæmdastjóra Strætó Jóhannes Svavar Rúnarsson.

24112022 - Flakk um almenningssamgöngur

Æ oftar heyrum við af hringrásarhagkerfinu og alls kyns vottunum í byggingabransanum. Við skoðum litla lóð við Frakkastíg 1 í dag, þar sem stendur til að byggja vistvænt hús, en borgin auglýsti eftir hugmyndum um græna byggð á nokkrum lóðum í bænum. Það trjóna háhýsi við Skúlagötuna alla og í þætti dagsins heyrum við af nýrri byggingu sem sumir vilja meina að sé og stór fyrir þessa litlu lóð. Við ræðum við Arnhildi Pálmadóttur arkitekt hjá Sapp, Sigríði Ósk Bjarnadóttur verkfræðing hjá BM Vallá en byrjum með Björt Ólafsdóttur hjá Iðu, sem er framkvæmdaaðili.

10112022 ? Flakk um græna byggingu á Frakkastíg

Við ætlum á Rauðarárholtið í dag, það er á lóð Sjómannaskólans við Háteigsveg. Nýjar námsmannaíbúðir á vegum Byggingafélags námsmanna hafa risið bakvið gamla Kennaraskólann, þar við hliðina eru tvö til þrjú fjölbýlishús fyrir 60+. Norðan megin við Háteigsveg, eru fjögur þriggja hæða fjölbýlishús við Vatnsholtið, hér er um að ræða leiguíbúðir fyrir 60+. Við ætlum að fjalla um 8 íbúða hús, sem Félgasbústaðir eru að byggja fyrir fatlaða, arkitekt er Arnhildur Pálmadóttir hjá Sapp. Hér er um að ræða grænt húsnæði fyrir fatlaða, með starfsmannaíbúð, 8 íbúða hús við Háteigsveg 59. Segja má að það sem byggt hefur verið á svæðinu, séu íbúðir undir ákveðnum hatti, annað hvort aldurs eða námsmanna. Einnig er rætt við Sigrúnu Árnadóttur framkv.stj. Félagsbústaða og EYþór Friðriksson sviðsstjóra húsnæðismála.

03112022 ? Flakk um uppbyggingu Félagsbústaða við Sjómannaskólann

Þar sem í dag eru lóðirnar Borgartún 29-36 var áður tún hjáleigunnar Fúlutjarnar eða Lækjarbakka. Þessi jarðarskiki var byggður úr jörðinni Rauðará en landamerki á milli Laugarness og Rauðarár lágu um Fúlatjarnarlæk, sem rann að mestu vestan við núverandi Kringlumýrarbraut. Lækurinn var afrennsli frá Kirkjumýri og Kringlumýri og dró nafn sitt af Fúlutjörn, sem var hálfgert sjávarlón sunnan við Kirkjusand og lyktaði af rotnandi gróðri. Fúlutjarnarlækur var settur í stokk árið 1957 og um 1960 hafði verið fyllt upp í Fúlutjörn og hvorugt er því sýnilegt lengur,  segir í skýrslu Borgarsögusafns frá 2017. Ferðinni er heitið í Borgartún í dag. Rætt við Gunnar Sigurðsson arkitekt hjá Andakt. Nú stendur til að rífa þær byggingar sem tilheyrðu fyrirtæki Guðmundar Jónassonar og byggja 100 íbúða fjölbýli, um er að ræða horn Kringlumýrarbrautar og Borgartúns á bak við Cabin hótelið Borgartún 34 - 36. EInnig rætt við Pawel Bartoszek varaformann umhverfis- og skipulagsráðs borgarinnar um framtíðarsýn í Borgartúni.

27101022 - Flakk um uppbyggingu í Borgartúni

Í þætti dagsins ætlum við að skoða byggingar á tveimur lóðum, sem eiga það sameignlegt að verið er að endurnýja, byggja ofan á eldri hús. Um er að ræða Hverfisgötu 98 ? 100 og Gamla Þórs Café í Brautarholti 20. Rætt er  við Arnar Þór Jónsson arkitekt hjá Arkís um Brautarholtið og Helga Mar Hallgrímsson arkitekt hjá Nordic um Hverfisgötuna,  það getur verið ansi flókið að byggja ofan á eldri hús, bæði vegna reglugerða og burðarþols og fleira. Í báðum tilfellum var lagt upp með gistingu. Á Hverfisgötunni gistiheimili og í Brautarholti hótel, á báðum stöðum verða þetta íbúðir.

20102022 ? Flakk um endurnýtingu bygginga

Sá þéttingarreitur sem hefur hvað oftast verið nefndur hér á Flakkinu er vafalaust Heklureiturinn, en svo nefnist reitur við Laugaveg sem nær frá Nóatúni að gamla Sjónvarpshúsinu. Nú er loks búið að samþykkja deiliskipulagið og hönnuðir húsanna eru byrjaðir á verkinu, það eru þeir Freyr Frostason arkitekt hjá THG og Jóhann Einar Jónsson hjá Teikna. Við heilsum uppá þá á eftir. Einnig er rifjað upp viðtal við Ásdísi Helgu Ágústsdóttur arkitekt hjá Yriki, um deiliskipulagið.

13102022 - Flakk  um endanlegt skipulag og uppbyggingu á Heklureit

Lísa Pálsdóttir flakkar um borg og bý.

Það er ótrúlega spennandi að fylgjast með nýju hverfi í Gufunesi. Þar er bæði verið að byggja nýjar íbúðir og gömlu byggingar Áburðarverksmiðjunnar eru fullar af lífi. Sumar byggingarnar eru í eigu borgarinnar, sem hefur boðið húsnæðið til leigu, en einnig eru nokkrar þeirra í einkaeigu. Ekki svo langt síðan við vorum á Flakki þarna, en í dag ætlum við að heilsa uppá nokkra þeirra sem njóta lágrar leigu í skemmtilega skapandi umhverfi. Rætt er við Óskar Arnþórsson, Baldur Helga Snorrason og Gunnar Egilsson arkitekta. Björn Loka Björnsson og Elsu Jónsdóttur listafólk, Dag Kára Pétursson tónlistar- og kvikmyndagerðarmann og Pawel Bartoszek varaformann umhverfis- og skipulagsráðs

06102022 ? Flakk um nýsköpun í Gufunesi

Merkjanlega er hugarfarsbreyting að eiga sér stað í skipulags- og byggingaframkvæmdum - enginn er maður með mönnum nema hugað sé að hringrásarhagkerfinu, vottunum ýmis konar og mörgu mörgu fleira. Við heimsækjum arkitektastofuna Yrki og ræðum við Sólveigu Berg arkitekt um C 40 samkeppnina, förum á bryggjuna í Gufunesi, og heilsum einnig uppá Áslaugu Guðrúnardóttur og Guðnýju Maríu Jóhannsdóttur hjá Þorpinu Vistfélagi, en byrjum hjá Yrki á Mýrargötunni vestur í bæ

22092022 ? Flakk um Þorpið Vistfélag, Gufunes og Ártúnshöfða

Fjallað verður um nýtt torg á Hlemmi. Þegar húsið var tekið í notkun undir nafninu Áningarstaðurinn Hlemmi árið 1978 var þar blómaverslun, blaða- og ritfangaverslun, snyrtivöruverslun, skartgripaverslun, leikfangaverslun, ísbúð og sjoppa. Húsið átti að vera gróðursælt og stór svæði fóru undir lifandi plöntur í beðum, mikil dagsbirta lék um húsið og gluggarnir stóru sem mynda útveggi hússins tengdu starfsemina inni við lífið á götunum í kring. Því er ekki að neita að Hlemmur drabbaðist niður, en sú ákvörðun að breyta því í mathöll sló í gegn, en Hlemmur hélt einnig áfram að vera biðskýli fyrir fólk sem ferðast með strætó. Samkeppni um Hlemmtorg var haldin fyrir nokkrum árum, við höfum svo sem fjallað um það hér á Flakkinu en með tilkomu Borgarlínu verður þetta mikil breyting, bæði fyrir gesti og gangandi, íbúa og einkabíla. Við ræðum við Pawel Bartoszek varaformann umhverfis- og skipulagsráðs og Hrafnkel Á Proppé sem gegnir forstöðu verkefnis um Borgarlínu. En hönnuður hins nýja Hlemmtorgs er Dagný Bjarnadóttir landslagsarkitekt hjá DLD, í samvinnu við sænsku arkitektastofuna Manda Works og er Martin Arfalk er aðalhönnuðurinn. Umsjón: Lísa Pálsdóttir.

Flakk um nýtt torg á Hlemmi

Gömlu timburhúsin og timburkirkjurnar eru mikilvægur hluti af byggingararfi okkar. Þrátt fyrir að fæst þeirra séu eldri en 150 ára eru þau okkur jafn mikilvæg og margra alda gömul hús annarra þjóða. Í mörgum þeirra rís íslensk byggingarlist hátt vegna formfegurðar og mikils notagildis. Hlutföll og stærð herbergja er oft í góðu jafnvægi, auk þess sem gjarnan hefur tekist vel til um staðsetningu glugga, stærð þeirra og gerð, þannig að t.d. dreifing birtu er með ágætum. Því miður virðist þessum grundvallarþáttum of oft ábótavant í byggingarlist nútímans. Gömlu timburhúsin eru ýmist klædd timbri eða bárujárni. Bárujárnsklædd íbúðarhús tíðkast varla annars staðar í heiminum. Það má því líta á þau sem sérstakt framlag Íslendinga til byggingarlistarinnar. Timburklæddu húsin minna hins vegar á hús byggð annars staðar á Norðurlöndum. Timbur hefur ekki verið í hávegum í nýbyggingum, en undanfarin fáu árin hafa þó risið nokkur timburhús, en með töluvert öðrum áherslum en gerðist hér á síðustu öld. Mjög svo fræðandi skýrsla um uppgjör og varðveislu gamalla húsa, sem er aðgengileg á netinu fyrir almenning. Við ætlum að huga að nýjum timburhúsum í þætti dagsins, þ.e. íbúðarhúsum. Í Úlfarsárdal er verið að byggja 12 íbúða fjölbýlishús, sem Ásgeir Ásgeirsson arkitekt hjá Tark hannaði og í Furugerði 10 er verið að byggja raðhús og tvö fjölbýlishús sem Arnar Þór Jónsson arkitekt hjá Arkís hefur hannað og við byrjum hjá honum.....

15092022 - Flakk -  um ný timburhús í borginni

Hjólhýsabyggðin á Laugarvatni hefur verið brennidepli frétta hér undanfarna daga. Sveitastjórn Bláskógarbyggðar hefur ákveðið að leigja ekki út land lengur fyrir byggðina og allir verði að pakka saman og fara. Það ríkir sorg hjá fólkinu sem hefur haft sína litlu húsvagna, sumir jafnvel á fimmta tug ára. Ég heimsótti byggðina á Flakkinu sumarið 2014 í blíðskapar veðri og  heilsaði uppá fólk. Rætt er við Guðberg Ástráðsson þáverandi formann, íbúa í hjólhýsabyggðinni á Laugarvatni og Hrafnhildi Bjarnadóttur núverandi formann Samhjól.

01092022 - Flakk - Flakk um hjólhýsabyggðina á Laugarvatni

Við beinum augum okkar að Skeifunni í þætti dagsins, svæði sem algjörlega er skipulagt með einkabílinn í fyrirrúmi, þó svo að gatnakerfið þar sé bara alls ekki gott. Við lítum aðeins 7 ár til baka, hér síðar í þættinum og göngum með þeim Birni Teitssyni sem þá var nemi í menningarfræðum en starfar nú hjá Skipulagsstofnun og Jóni Davíð Ásgeirssyni arkitekt, og setjumst yfir kaffibolla með Sigrúnu Hönnu Þorgrímsdóttur þjóðfræðingi. Við ræddum möguleika í breyttri Skeifu, þetta var árið 2015. Eftir þessi sjö ár er loks byrjað að byggja íbúðarhúsnæði í Skeifunni, og það nokkuð vel í lagt með 185 íbúða. Guðmundur Gunnlaugsson arkitekt og Ellert Hreinsson arkitekt hjá Teiknistofunni Archús, hafa veg og vanda af  hönnun þessara bygginga og við byrjum hjá þeim

25082022 - Flakk - Flakk um Skeifuna

Heilsuverndarstöðin, Sundhöllin, Gamla Mjólkurstöðin, Droplaugarstaðir, Domus Medica, Blóðbankinn, hús sem gjarnan er kennt við Gefjun og eitt stykki nokkuð há íbúðarblokk auk bensínstöðvar standa við Snorrabraut, Egilsgötu, Bergþórugötu og Barónstíg, í raun ekki mjög stór reitur, en þjónar mjög svo bróguðu hlutverki, og nú er verið að byggja á einum þessara reita eða á Snorrbraut 60, einnig er búið að hanna íbúðabyggð við Snorrabraut 54 eða í kringum Gömlu Mjólkurstöðuna sem síðar Osta- og smjörsalan flutti í, Bylgjan og Söngskólinn, bensínstöðvarreiturinn bíður enn um sinn. Við ætlum að drepa niður fæti á Snorrabrautinni í dag og skoða hvað sé verið að byggja, ræðum við arkitektana Helga Bollason Thorddsen og Þórð Steingrímsson hjá Kanon arkitektum, Sólveigu Sigurðardóttur verkefnastjóra á borgarskipulaginu, Sigurð Hallgrímsson arkitekt hjá ArkþingNordic, en byrjum með nýjum formanni Umhverfis- og Skipulagsráðs borgarinnar - Alexöndru Briem og ræðum eitt og annað við hana sem stendur til í skipulagi og uppbyggingu í borginni.

18082022 - Flakk - Flakk um Snorrabraut

Einar Erlendsson arkitekt var ákaflega afkastamikill. Hann fæddist 1883 og lést 1968, þannig að hann lifði mikla breytingatíma, allt frá því að rafmagn var innleitt á landinu almennt og að upphafi sjónvarpsins. Í nýrri bók um Einar er skrá og myndir af verkum hans og telst höfundi Birni G. Björnssyni til að eftir hann séu skráð 224 hús, allt frá litlum og stórum bárujárnshúsum, steinsteypuklassík og fúnkís húsum vítt og breytt um borgina. Við höldum áfram með höfundi bókarinnar á rölti um borgina og Pétur Ármannsson byggingalistfræðingur kemur einnig við sögu

11082022 ? Fjallað um Einar I Erlendsson arkitekt - síðari þáttur

Þegar höfundur viðraði fyrst hugmynd sína um að næsta viðfangsefni yrði ferill Einars Erlendssonar  húsameistara, voru undirtektir misjafnar. Hvað hafði hann svo sem afrekað? Var hann ekki aðstoðarmaður Guðjóns Samúelssonar? Jú, hann var ekki aðeins aðstoðarmaður og staðgengill Guðjóns í þrjátíu ár, heldur þar á undan einnig aðstoðar- og samstarfsmaður Rögnvaldar Ólafssonar í tíu ár. Nýútkomin bók Björns. G. Björnssonar um Einar I Erlendsson arkitekt verður til umfjöllunar í þættinum. Það eru ótrúlega mörg þekkt hús í borginni eftir Einar, svo sem Kirkjuhúsið, Gamla bíó, Sólon, Gamla Borgarbókasafnið og Fríkirkjuvegur 11, svo einhver séu tíunduð hér. Rætt er við Björn G. Björnsson og Sigríði Björk Jónsdóttur byggingalistfræðing í þættinum og gengið um borgina og byggingarnar og saga þeirra sögð.

04082022 ? Flakk ? Fjallað um Einar I. Erlendsson arkitekt ? 1.þáttur

Byggjum grænni framtíð er samstarfsverkefni stjórnvalda og hagaðila byggingariðnaðarins um vistvænni mannvirkjagerð en það á meðal annars rætur sínar að rekja til aðgerðar C.3 í aðgerðaáætlun stjórnvalda í loftslagsmálum. Verkefnastjórn verkefnisins er skipuð fulltrúum frá Grænni byggð, Samtökum iðnaðarins, Vegagerðinni, Umhverfisstofnun, Sambandi íslenskra sveitarfélaga, félagsmálaráðuneytinu og HMS. Verkefnið á rót sína að rekja til aðgerðar C.3 í aðgerðaáætlun stjórnvalda í loftslagsmálum og er mikilvægt í ljósi þess að mannvirkjageirinn ber ábyrgð á 30-40% af losun á heimsvísu. Hlutfallsleg auðlindanotkun og orkunýting hans er á svipuðu reiki. Í þessum þriðja hluta verkefnisins er vegvísir til grænni byggðar kynntur Í þættinum er rætt við Jóhönnu Klöru Stefánsdóttur hjá Samtökum Iðnaðarins, Þóru Margréti Þorgeirsdóttur hjá Húsnæðis og Mannvirkjastofnun og Magnús Rannver Rafnsson byggingaverkfræðing.

23062022 - Flakk um vistvænan vegvísi í byggingariðnaði

Flakk

The best podcast episodes on global issues affecting everyone. Covering topics such as the #metoo movement, climate change, the impact of technology and some of the biggest global issues facing us right now. For anyone interested in learning more about the world, and some of the issues we're facing, pick an episode below and start listening! Add episodes you're interested into your queue below!

Best Episodes on Global Issues

The best podcast episodes on romantic relationships. Episodes talk about the 5 love languages, intimacy, and the taboo topics of sexual desires and infidelity. This topic is a deep dive into the science and complexities that face us in our relationships with others. Add episodes you're interested into your queue below!