Rinne Príomh-Aire na hIodáile Mario Draghi iarracht éirí as ach dhiúltaigh an tUachtaran dó agus mhol sé dó filleadh ar an bparlaimint le hiarracht a dhéanamh an comhrialtas a shábháil. Pléimid é seo le Kay McCarthy (Tráchtaire san Iodáil).

Tús Áite: Mario Draghi 

Géarchéim lóistín do theifigh agus tuairim an phobail faoin gcomhrialtas roimh bhriseadh an tSamhraidh – scéalta móra an lae le hEoin Ó Catháin (Tuairisceoir polaitíochta RnaG).

Tús Áite: Polaitíocht an Lae 

Labhraímid le Cuán Ó Flatharta faoi chraobh iomána na hÉireann, cluichí leathcheannais i bpeil na mban agus Éire i gcoinne na Nua Shéalainne i rugbaí na bhfear.

Tús Áite: Scéalta Spóirt 

Céad bliain a saolaíodh Cathal Ó Sándair: Cothrom an lae seo céad bliain ó shin a saolaíodh an scríbhneoir Cathal Ó Sándair, údar s scríobh scéalta Reics Carló i measc eile. Labhraímid faoi seo le Dr Róisín Adams (Scoláire ar Choiste chomórtha Chathail Uí Shándair).

Tús Áite: Céad bliain a saolaíodh Cathal Ó Sándair 

Rás ceannaireachta na gCaomhach, boilsciú, ciondáil gáis agus dlíthe fuathchainte – pléimid príomhscéalta na seachtaine le hElaine Loughlin (Leas-Eagarthóir polaitíochta an Irish Examiner) agus Cecilia Ní Choileáin (Abhcóide).

Tús Áite: Súil Siar na Seachtaine 

Labhraímid le Conall Mac Dhonnagáin faoi Oíche na bhFuirseoirí Nua ag Gaelgáirí, dráma Muc Rí, ceardlann agus ceolchoirm chruitireachta i gCultúrlann McAdam Ó Fiaich, Féile Ealaíne an Earagail agus Pop-Up Gaeltacht in Burrito Loco i Leitir Ceanainn.

Tús Áite: Cúrsaí Siamsaíochta 

Ar an gclár inniu: Eoin Ó Catháin (Tuairisceoir polaitíochta RnaG), Dr Róisín Adams (Scoláire ar Choiste chomórtha Chathail Uí Shándair), Elaine Loughlin (Leas-Eagarthóir polaitíochta an Irish Examiner), Cecilia Ní Choileáin (Abhcóide), Kay McCarthy (Tráchtaire san Iodáil), spóirt le Cuán Ó Flatharta agus siamsaíocht le Conall Mac Dhonnagáin.

Tús Áite: 15/7/22 

Insíonn Síle Ní Choincheanainn scéalta dúinn ón Clare Echo, Connacht Tribune, Derry Now, Kildare Now agus Wicklow News.

Tús Áite: Mír na Meán Áitiúil 

Tá iar-Uachtarán Sri Lanka Gotabaya Rajapaksa tar éis Singapore a bhaint amach le cúpla uair an chloig anuas agus é ag teitheadh. Labhraímid faoi seo le Fionnuala Ní Aoláin (Ollamh le Dlí ag Ollscoil Minnesota agus Ollscoil Uladh, agus Rapporteur Speisialta um Chearta Daonna leis na Náisiúin Aontaithe).

Tús Áite: Iar-Uachtarán Sri Lanka ag teitheadh 

Tá ar theifigh atá ag teacht chun an tíre seo fanacht in aerfort Bhaile Átha Cliath muna bhfuil socrú lóistín déanta acu. Labhraímid faoi seo le Pat Carey (Iar-Aire rialtais agus Cathaoirleach Chumann na Croise Deirge).

Tús Áite: Teifigh san aerfort 

Clár cúrsaí reatha an tráthnóna á chur i láthair ón Lárionad Raidió i mBaile Átha Cliath. Scéalta náisiúnta agus idirnáisiúnta a bhíonn faoi chaibidil ar an gclár, le plé, anailís agus tuairiscí.

Inniu: Eoin Ó Catháin (Tuairisceoir polaitíochta RnaG), Pat Carey (Cathaoirleach Chumann na Croise Deirge), Póilín Ní Chiaráin (Tráchtaire polaitíochta), Ian Malcolm (Tráchtaire ar chúrsaí aontachtacha), Fionnuala Ní Aoláin (Rapporteur Speisialta do na Náisiúin Aontaithe), Brian Ó Broin (Ollamh, Ollscoil William Patterson) &amp; Síle Ní Choincheanainn.

Tús Áite: 14/7/22 

Rishi Sunak atá chun tosaigh ar na hiarrthóirí eile i rás ceannaireachta na gCaomhach inniu agus cháin ceannaire an DUP, Jeffrey Donaldson, daoine ón bpobal Aontachtach a bhí ag dó póstaer de pholaiteoirí Shinn Féin i dtinte cnámh. Pléimid é seo le Póilín Ní Chiaráin (Tráchtaire polaitíochta) agus Ian Malcolm (Tráchtaire ar chúrsaí aontachtacha).

Tús Áite: Rás ceannaireachta na gCaomhach / Tinte cnámh 

Comhréiteach faoi chúrsaí móna, ráta boilscithe ag an bpointe is airde le 40 bliain agus pobalbhreith a deir go bhfuil an comhrialtas ag an ráta tacaíochta is lú ó tháinig siad i gcumhacht – scéalta móra an lae le hEoin Ó Catháin (Tuairisceoir polaitíochta RnaG).

Tá Uachtarán Mheiriceá Joe Biden i mbun cuairte ar an Meán-Oirthear an tseachtain seo agus é le bualadh le Mohammad Bin Salman. Pléimid é seo leis an Ollamh Brian Ó Broin (Ollamh in Ollscoil William Patterson New Jersey, Údar agus Tráchtaire).

Tús Áite: Biden sa Mheán-Oirthear 

Ar an gclár inniu: Áine Ní Chiaráin (Tráchtaire polaitíochta), Seán Ó Cadhain (Tráchtaire i Newscastle), Dr Seán Ó Conaill (Léachtóir Dlí, Coláiste na hOllscoile Corcaigh), Diarmuid Ó Muirgheasa (Príomhfheidhmeannach Olus Education), Máiréad Hurley (iar-Réalteolaí &amp; Comhalta taighde sa chumarsáid eolaíochta) agus mír na leabhar le hÁine Ní Ghlinn.

Tús Áite: 13/7/22 

Elon Musk

Tá Elon Musk tar éis tarraingt siar as Twitter a cheannach agus é ag maíomh go raibh níos mó bréagchuntais ar an ardán ná mar a dúradh leis. Labhraímid faoi seo le Diarmuid Ó Muirgheasa (Príomhfheidhmeannach Olus Education).

Tús Áite: Elon Musk agus Twitter 

Tugann Áine Ní Ghlinn a léirmheas dúinn ar ‘An Rás Chuig an Mol Thuaidh’ le Catherine Johnson (aistrithe ag Fearghas Mac Lochlainn agus foilsithe ag Futa Fata) agus sraith ‘Dónall Dána’ (aistrithe agus foilsithe ag Cló Iar-Chonnacht).

Tús Áite: Mír na Leabhar 

Chaith polaiteoirí an Pháirtí Chaomhaigh vóta inniu sa chéad bhabhta sa phróiséas le ceannaire nua a thoghadh don pháirtí a thiocfaidh i gcomharbacht ar Boris Johnson mar Phríomh-Aire na Breataine. Labhraímid faoi seo le Seán Ó Cadhain (Tráchtaire i Newscastle).

Tús Áite: Vóta ceannaireachta an Pháirtí Chaomhaigh 

Reifreann ar “ról na mban sa bhaile” a bhaint ón mbunreacht, Bille um Adhlacthaí Forais sínithe ag an Uachtarán agus bunú coiste á moladh le dul i ngleic le bochtanas leanaí – scéalta móra an lae le hÁine Ní Chiaráin (Tráchtaire polaitíochta).

Thosaigh grianghraif ag teacht chugainn ó spásteileascóp James Webb inné agus réaltraí le feiceáil iontu. Pléimid é seo le Máiréad Hurley (iar-Réalteolaí agus Comhalta taighde sa chumarsáid eolaíochta).

Tús Áite: Íomhánna ó spásteileascóp James Webb 

Tús Áite

The best podcasts on investing. For anyone interested in the stories in the investing industry, whether it's an interview with Ray Dalio or Ed Thorp to the writer of The Big Short. This topic includes the most fascinating stories from all the best investors. Add episodes you're interested into your queue below!

Best Investing Podcasts

The best podcasts about ourselves as well as the world through the lense of Science. Specific topics include things about our brain, emotions to biology, physics and more!