Die regering stel nuwe regulasies voor vir die ontgunning van skaliegas. 'n Ooreenkoms vir die veilige vervoer van Oekraïense voedselprodukte deur die Swartsee, sal teen volgende week onderteken word. Afriforum vra motoriste om deel te word van sy hofsaak teen departement van vervoer oor die geldigheid van rybewyse.

Spektrum 14 Julie 2022

'n Argeoloog deel sy vreugde nadat 'n bajonet uit die tweede Anglo-Boereoorlog gevind is. Na byna 'n kwarteeu tree dr. Blade Nzimande uit as leier van die SAKP. 'n Noodtoestand word in Sri Lanka verklaar nadat betogings momentum optel. Maande na die oorstromings in KwaZulu-Natal, woon duisende mense steeds in gemeenskapsale. As jy van die huis af werk, spits jou ore - ons kry raad oor jou regte en jou verlof.

Spektrum 13 Julie 2022

Die Gun Owners Association of South Africa sê die debat oor die wapenwet is misplaas. Twee ANC-lede wat voorheen weens korrupsie uit hulle poste verwyder is, kry leierskapsposisies. Aanlyndienste van die Suid-Afrikaanse Inkomstediens word ontwrig weens 'n staking. Die eerste foto’s van oeroue sterrestelsels word deur NASA bekendgestel. SANPARKE sê daar is nie te veel olifante in die Krugerwildtuin nie.

Spektrum 12 Julie 2022

Speel 'n gebrek aan polisiëring 'n rol in die 21 moorde die naweek in tavernes in Gauteng en KwaZulu-Natal? Ontleders sê intussen bitter min lesse is geleer ná die Julie-onrus. Eskom hoop om Fase Ses-beurtkrag vandeesweek af te weer. Die Proteakolwer, Lizelle Lee, sê sy is klaar met internasionale krieket. Politieke burokrasie is 'n groot struikelblok in die stryd teen renosterstopery.

Spektrum 11 Julie 2022

Moet die RET-faksie se dreigemente van landwye optogte indien die president nie bedank nie, ernstig opgeneem word? 'n Jaar ná die gewelddadige onluste in Gauteng en KwaZulu-Natal is daar steeds meer vrae as antwoorde. Sal jou versekering uitbetaal indien iets met jou tydens beurtkrag gebeur?

Spektrum 8 Julie 2022

Wat sou gebeur as ons die regering se benadering tot die kragkrisis volg? Solidariteit sê hulle gaan nie wag om uit te vind nie. Nog 'n terugslag vir die geskorste Openbare Beskermer, Busisiwe Mkwebane. Die jongste regulasies oor die hernuwing van vuurwapens is 'n verskuiwing in die polisie se benadering tot dié kwessie. Kommer oor ‘n gebrek aan toerusting en polisielede in Calitzdorp in die Wes-Kaap. Gebeurlikheidsplanne word ingestel vir mense wat die Kruger Wildtuin midde die voortslepende betogings wil besoek.

Spektrum 7 Julie 2022

’n Simboliese begrafnis vir die slagoffers van die Enyobeni-tragedie. Die polisie soek steeds na verdagtes, wat drie maande gelede by die woning van die Vrystaatse Premier ingebreek het. Twee ministers in die Britse premier, Boris Johnson, se kabinet bedank.

Spektrum 6 Julie 2022

Die ANC se NUK stel voor dat 'n nasionale noodtoestand afgekondig word weens die kragkrisis. Die sakeklimaat vir kleiner sakeondernemings het in Junie verbeter. 'n Slang met twee koppe wat in KwaZulu Natal gevind is, het sosiale media aan die gons.

Spektrum 5 Julie 2022

Nóg 'n skerp styging in die brandstofprys. Het beurtkrag 'n impak op mense se geestesgesondheid? Inwoners van Parys in die Vrystaat is sedert Vrydag sonder krag.

Spektrum 4 Julie 2022

Eskom sê die land se kragstelsel staan níé op die rand van ineenstorting nie. NAVO-lidlande berei hulle voor op die ergste. Ons praat met Jannie du Plessis oor môre se Bok-stryd teen Wallis.

Spektrum 1 Julie 2022

Die Spektrumspan hou jou op hoogte met die jongste plaaslike en internasionale nuusgebeure.

'n Emosiebelaaide roudiens word vir die 21 slagoffers van die taverne-tragedie in die Oos-Kaap gehou. 'n Voormalige kampioenbokser sterf in 'n skietvoorval in Oos-Londen. Orania se bestuur reageer op Panyaza Lesufi se uitlatings oor die dorp.

Spektrum 30 Junie 2022

Stakende Eskom-werkers begin terugkeer werk toe. Die gesondheidsdepartement vra vir kalmte nadat 'n tweede geval van aappokke bevestig is. Voedselbedrog in Afrika in die kollig. Lede van die LGBTQI-gemeenskap in KwaZulu-Natal sê hulle lewe word deurentyd gereeld bedreig.

Spektrum 29 Junie 2022

Fase 6 beurtkrag is 'n sterk moontlikheid vanaand. Die eienaar van die Oos-Londense taverne waar 21 tieners gesterf het, word strafregtelik aangekla.

Spektrum 28 Junie 2022

Die Oos-Kaapse Drankraad reageer skerp op die dood van 21 tieners in 'n taverne in Oos-Londen. Die direkteure van vyf Gautengse skole word ondersoek vir beweerde bedrog en wanadministrasie. Mense in Sydney in Australië betoog weer teen klimaatsverandering.

Spektrum 27 Junie 2022

Die Hooggeregshof verklaar verskeie artikels van die Nasionale Gesondheidswet as ongrondwetlik. Fase vier beurtkrag word ingestel weens die staking oor lone by Eskom. 'n Dokter meen die vrees oor aappokke is 'n storm in 'n teekoppie. OUTA gooi hulle gewig agter die fluitjieblaser, dr. Tim de Maayer. Die Russiese president, Wladimir Poetin, gebruik die BRICS-beraad om uit te vaar teen Westerse sanksies.

Spektrum 24 Junie 2022

Die Zondo Kommissie sê Cyril Ramaphosa moes homself sterker uitgespreek het teen staatskaping, maar hy wou nie die ANC se openbare beeld beskadig nie. Die Weerdiens sê temperature gaan nog verder daal oor groot dele van die land. Die Europese Unie besluit vandag of Oekraïne 'n kandidaat vir lidmaatskap kan word.

Spektrum 23 Junie 2022

Inflasie styg tot die hoogste vlak in vyf jaar. Die ANC in die Vrystaat sê hy is nie gereed om 'n provinsiale verkiesingskonferensie te hou nie. SAFA hou 'n spreekwoordelike geelwortel voor Banyana Banyana se neus. ‘n Aankondiging oor die opheffing van Covid-19-regulasies word binnekort verwag. Dokters vra vir die beskerming van fluitjieblasers in die gesondheidsektor. Die Churchhilldam in die Oos-Kaap het net ses dae se water oor.

Spektrum 22 Junie 2022

Die Zondo-kommissie se veelbesproke laaste verslag word eers môre oorhandig. Hoekom vat dit so lank? Verlede week se veelbesproke vragmotorstaking werp vrugte. Inwoners van Soweto dreig om die gebied tot stilstand te bring. Inwoners van Durban kan hulle voorberei op minstens 'n jaar van wateronderbrekings ná die onlangse oorstromings in Kwazulu-Natal. Ons hou jou op hoogte van die Verenigde Nasies se verdragskonferensie oor die verbod op kernwapens. Die eerste dowe dierkundige kry 'n doktorsgraad oor groot roofdiere aan die Universiteit van KwaZulu-Natal.

Spektrum 21 Junie 2022

Die ANC in Noordwes se provinsiale konferensie is uitgestel, en verskeie takke eis dat lede van die dispuutresolusie-komitee verwyder moet word. Die Franse president verloor sy volstrekte meerderheid in die parlement, maar wat beteken dit vir ons? Die Regterpresident van die Appèlhof, Mandisa Maya, voer haar onderhoud om die volgende adjunkhoofregter van die land te word. Ons bring jou die jongste vanuit Wene, waar 'n kernwapenkonferensie gehou word. Die Olimpiese medaljewenner in branderplankry, Bianca Buitendag, is die nuutste ambassadeur vir Laureus Sport For Good South Africa.

Spektrum 20 Junie 2022

Die DA verwelkom die besluit van die Minister van Kuns en Kultuur, Nathi Mthethwa, om nié Afrikaans uit die naam van die Afrikaanse Taalmonument te haal nie. Die N3-snelweg is vandag stil na gister se vragmotorbetoging op Van Reenenspas in KwaZulu-Natal. Die Menseregtekommissie besoek haweloses in Mogale City aan die Wes-Rand, wat glo deur amptenare van die stadsraad mishandel is.

Spektrum 17 Junie 2022

Spektrum

The best podcast episodes of anyone with an interesting story. With famous guests like Obama, LeBron James, Drake, Oprah Winfrey, Richard Branson, Michelle Obama, Serena Williams, to anyone who has a unique and interesting story to tell. Add episodes you're interested into your queue below!

Best Episodes: Personal Stories & Great Interviews

The best episodes for anyone looking to learn more about topics such as happiness, fulfillment, depression and psychology/mental health in general. With interviews with industry experts, personal stories of individuals, this topic has lessons applicable to everyone. Add episodes you're interested into your queue below!