'Sí Sinéad Ferry a roghnaíonn giotaí as an tsraith don chlár. Tá ceol a taifeadadh i dteach Mhartin Hayes Co an Chláir sa bhliain 1962, dánta le Seán Ó Ríordáin, Séamus Ennis ag caint ar Chorca Dhuibhne agus ag caint ar Oileán Thoraí, "An Seabhac" ag caint ar an Bhlascaod agus Cearbhall Ó Dálaigh i nGaoth Dobhair.

Siúlach Scéalach  080320  Sinéad Ferry

Andrea Palandri

Andrea Palandri, scoláire Gaeilge agus fidléir ón Iodáil, lena rogha féin as an tsraith. Ar na giotaí a roghnaíonn sé tá Séamus Ennis, Pádraig O Keeffe, Paddy Cronin, Kruger Kavanagh. Eibhlín Ní Mhurchú agus Pádraig Ua Maoileoin. Casann Andrea cúpla giota ceoil le Paddy McEvoy á thionlacan ar an phiano.

Siúlach Scéalach  010320 Andrea Palandri

'Sí Áine Ní Bhreisleáin, ó Ghaoth Dobhair an aoi atá ar an chlár seo le hIan Lee. Roghnaíonn Áine na míreanna seo: leaganacha den amhrán Úir Chill a' Chreagáin; Inis Gé; Na Cruacha Gorma; Séamus Ennis le muintir Thoraí; déanamh curachaí i gceantracha éagsúla,  Seosamh Ó hÉanaí/Séamus Ennis,  Bernadette Devlin agus Mairéad Ní Dhomhnaill.

Siúlach Scéalach  160220 Áine Ní Bhreisleáin 

"Radio Éireann agus athbheochan na Gaeilge" clár a rinne Diarmuid Breathnach sa bhliain 1976. Páirteach ann tá: Mairéad Ní Ghráda, Aindrias Ó Muimhneacháin, Seán Mac Réamoinn, Leon Ó Broin, Diarmaid ó hAlmhain, Proinsias Mac an Bheatha, Roibeárd Ó Faracháin &amp; Breandán Ó hEithir.

Siúlach Scéalach  260120 RÉ agus an Ghaeilge.

Áine Mhic Ghrianna as Rann na Feirste i nGaeltacht Dhún na nGall? i mbun scéil níl aon eolas eile leis an téip.

Siúlach Scéalach   120120

Pat Feeley  i mbun comhrá le Cyril Ó Ceirín agus Pádraig Breathnach, a raibh baint acu le Cathair Luimní, ag caint fá na leabhair atá scríofa acu.

Siúlach Scéalach  120120

Breadndán Ó Madagáin, iar-Ollamh le Gaeilge, ag caint le Proinsias Mac Aonghusa fána shaol agus a shaothar.

Diarmuid Ó Muirithe le cuid d'imeachtaí 1970 le béim ar leith ar an Ghaeilge, cúrsaí polaitiúla ó dheas agus ó thuaidh. Jack Lynch páirteach sa chlár, Liam Mac Reachtainn, Risteard Mac Gabhann, An Col. Eoghan Ó Néill, Máirtín Ó Cadhain ar an chlár agus Risteard Ó Glaisne agus Séamus Ó Néill ag caint faoi chomhnascadh idir An Tríonóid agus UCD.

Siúlach Scéalach   081219

Máirtín Ó Cadhain ag caint fá Chonradh na Gaeilge agus an litríocht, léacht as an tsraith Thomas Davis Lectures a bhain le Conradh na Gaeilge.

Siúlach Scéalach  081219

"Seanchas Bhaile Uí Chorráin". Seqanchas a bhí ag Donncha Ó Líthigh, Baile Uí Chorráin, agus 'sé Muiris Mac Conghaíl atá ag láithrú.

Siúlach Scéalach  011219

Siúlach Scéalach - RTÉ

Séamus Ó Súilleabháin a chaith blianta fada ag obair i siopa leabhar An Ghúm (foilseacháin an rialtais)    ag caint le Micheál Ó hUanacháin fá na dhaoine a casadh air sa phost.

Siúlach Scéalach - 100319

Eoghan Ó hAnluain ag déanamh léirmheas ar an leabhar "Lig sinn i gCathú" le Breandán Ó hEithir.

Turas a thug Proinsias Ó Conluain agus Radio Éireann ar Oileán Árainn Mhór amach ó chósta Dhún na nGall sa bhliain 1953 le hamhráin a fháil ó Róise Mhic Ghrianna. Chomh maith le taifeadaí de Róise scríobh Proinsias dialann ag cur síos ar gach a thug sé fá dear fá Róise agus eile agus beidh sliochta as an dialann ar an chlár á léamh ag Brian Mullen.

Siúlach Scéalach  190519  

Clár ómóis do Liam Mac Con Iomaire, nac maireann, agus amhráin agus caint a thaitneoadh go mór le Liam ó Sheosamh Ó hÉanaí agus ó Shéamus Ennis.

Siúlach Scéalach   120519

Bidí Sheáin Néill ó Rann na Feirste ag scéalaíocht. Níl aon eolas eile faoin téip.

Siúlach Scéalach  280419

Muiris Mac Conghaíl, nach maireann, ag caint le Neasa Ní Chinnéide ar Theilís RTÉ sa bhliain 1988 fá chúrsaí na meán agus eile.

Siúlach Scéalach   011219

Radio Scoile - Clár bríomhar ceoil agus cainte le Micheál Ó Domhnaill, Doireann Ní Bhriain agus cailín eile.

SIúlach Scéalach 241119

Gearóid Ó Cuinneagáin, fear conspóideach i ngluaiseacht na Gaeilge - bhí sé páirteach sa ghluaiseacht Ailtirí na hAiséirighe a raibh faistísteachas curtha ina leith - agus gnéithe eile de ghluaiseacht na Gaeilge.

Siúlach Scéalach   201019

Labhrann Alan Titley le hIan Lee fána rogha féin de mhíreanna as an tsraith seo.  Frank O Connor, Peadar O Donnell, Sarah @ Rita Keane, Nioclás Tóibín (agallamh amháin), Piaras Béaslaí, samplaí de Ghaeilge Dheisceart Thiobraid Árann agus Cho. Thír Eoghain, Mick O Connell agus mír as  Fadhbanna Gaeilge le Tomás de Bhaldraithe sa chathaoir.

Siúlach Scéalach  131019

Aisteoirí ó Charna le mír 3 as Ceol na nGiolcach a léiríodh sa bhliain 1960 ar Radio Éireann.

Siúlach Scéalach  250819

An darna mír as an leagan drámatúil den scéal "Ceol na nGiolcach" le Pádraic Ó Conaire. Aisteoirí ó Charna atá i mbun an dráma a craoladh ar Radio Éireann sa bhliain 1960.

Siúlach Scéalach   180819

An foclóirí agus scríbhneoir iomráiteach Niall Ó Dónaill ag caint le Proinsias Ó Conluain fána chuid oibre sa Ghúm agus eile.

Tuairisc ó Phroinsias Ó Conluain ó Dhomhnach Maighin Co. Mhuineácháin áit a raibh daoine  daoine ag déanamh iarrachtaí móra an Ghaeilge beo sa cheantar. Craoladh 1970.

Siúlach Scéalach  300619

Tarlach ó hUid ag caint le Freeda McGeough ó RTÉ nuair a déanadh eagarthóir de ar an Nuachtán "Inniu" sa bhliain 1979. Pádraig Dolan an láithreoir.

Sarah agus Rita Keane ag ceol "Saileog Rua) i dteach tabhairne "An King's Head" i Fulham, Londain.

Siúlach Scéalach   300619

Proinsias Ó Conluain leis an chlár "Casadh an tSúgáin" (craoaldh 1969) ina ndéanann sé scagadh ar théamaí agus struchtúr seanscéalta ón bhéaloideas ó na Gaelatachtaí ar fad le near samplaí.

Pádraig Dolan ag plé cúrsaí cultúir i Ros Muc le Micheal Breathnach.

Siúlacah Scéalach  090619

Pádraig DOlan i mbun comhrá le Cáit Uí Chonluain ar An Spidéal sa bhliain 1971. Labhrann sí fán éirí in airde atá ar chuid de mhuintir na háite nach bhfuil sásta Gaeilge a labhairt agus fá scolairí ag teacht chun na háite le Gaeilge a fhoghlaim ar mhaithe le scrúduithe amháin.

Siúlach Scéalach  090619

Micheál Ó Móráin ó Charna ag caint fá chúrsaí turasóireachta sa cheantar sa bhliain 1971.

Siúlach Scéalach  090619 

What is this?
1 quote, 3 ideas & 1 question from a carefully curated podcast episode.
Every Monday & Wednesday.

Want a 3rd insight and episode every week? Email me at curation@owltail.com.

OwlTail

OwlTail 1-3-1

The best philosophy podcast episodes. Asking questions about how to live a better life, what it means to be and do good, to the idea of God. This topic includes episodes that bring about important questions that everyone should be asking themselves. Add episodes you're interested into your queue below!